Галоўны трэнер «Мінска» Арцём Чалядзінскі падвёў вынікі таварыскага матчу супраць саратаўскага «Сокала» (Д2), якім кіруе беларускі спецыяліст Аляксей Бага. Паядынак завяршыўся з лікам 2:0.

– Добры спарынг. Нячаста да нас прыязджаюць каманды з Расіі паглядзець наш узровень. Тым больш, што мы мелі магчымасць правесці сустрэчу з камандай, у якой я здолеў пагуляць.

Атрымалі нагрузку, якую хацелі і моманты, якія плануем паляпшаць, крыху атрымаліся ў нас.

Гэта эксперыментальная гульня, тым больш мы павінны разумець, што «Сокал» знаходзіцца на зборах, працуе ў двухразовым рэжыме, надвор'е дае аб сабе ведаць, таму дамовіліся гуляць па 40 хвілін.

У нас на праглядзе былі хлопцы, трэба было іх паглядзець, – сказаў Чалядзінскі.

Аўтар: Iгнат Калiнiн

Крыніца: Минск