Карцоў аб 1:1 з «Віцебскам»: «Шкада, што згулялі ўнічыю. У першай палове мы дзейнічалі цікавей, трэба было проста забіваць»
Расійскі нападаючы брэсцкага «Дынама» Ягор Корцаў пракаментаваў нічыю з «Віцебскам» (1:1) у 14-м туры вышэйшай лігі.
– Заўсёды прыемна забіваць. Асабліва для нападаючага. Шкада, што ў выніку згулялі ўнічыю, бо ў нас былі добрыя моманты, вызначыцца яшчэ. У першай палове мы дзейнічалі цікавей, трэба было проста забіваць. Саша Свірэпа атрымаў траўму, гэта нас выбіла з каляіны. Пажадаю яму здароўя. А мы будзем рухацца далей, наперадзе ў нас матч з менскім «Дынама».
– Пакуль незразумела, якая ў яго траўма?
– Дакладны дыягназ не назаву, гэтае пытанне лепш адрасаваць медыцынскаму персаналу. Думаю, што клуб потым аб'явіць усё.
– «Дынама» гуляла без Дзіава і Касараба ў лініі абароны. Ці адчувалася нейкая нервовасць з-за гэтага?
– Мы найгравалі наш склад увесь тыдзень, разумелі, што будзем без двух ключавых выканаўцаў. Крыху паспелі прывыкнуць да новага спалучэння, – сказаў Карцоў.
