Швяцоў пра сваё стаўленне да гульні ў пачатку футбольнага шляху: «Я заўсёды аддаваўся гульні, імкнуўся пераймаць максімум на трэніроўках»

Экс-абаронца мінскага «Дынама» Максім Швяцоў, які папоўніў сёння шэрагі расійскага «Ротара», распавёў пра сваё стаўленне да гульні ў пачатку свайго футбольнага шляху.

«Наконт футбола… Не было ніколі такога, накшталт «не пайду на трэніроўку, скажу, што захварэў», ці каб я кагосьці ашукваў у такім духу. Не, ніколі такога не было. Аддаваўся гульні, стараўся пераймаць максімум на трэніроўках.

Потым ужо, калі Міхаіл Міхайлавіч Мустыгін прыйшоў, ён ужо больш верыў у мяне, казаў «у цябе ёсць задаткі, якія трэба развіваць».

З таго моманту ўжо, напэўна, пачаўся больш сур'ёзны футбол, стала зразумела, што ўсё гэта – не проста так» – адзначыў Швяцоў.