Галоўны трэнер зборнай Англіі Гарэт Саўтгейт адказаў на пытанне, наколькі складана для яго будзе, магчыма, сыйсці з пасады, якую ён займае апошнія 8 гадоў.

«Эмацыйна для мяне зараз было б немагчыма прыняць лагічнае рашэнне па любым з гэтых пытанняў, таму што маёй адзінай мэтай на працягу двух гадоў была перамога на Еўра.

Апошнія 5-6 тыдняў былі сапраўднымі амерыканскімі горкамі, таму сапраўды не ведаю, дзе ўвогуле знаходжуся, акрамя як трэба быць вельмі засяроджаным на падрыхтоўцы каманды да фіналу.

Поўны рашучасці працягваць весці каманду гэтак жа, як гэта рабіў на працягу апошняга месяца.

Прымаў на сябе гэтую працу, каб паспрабаваць дапамагчы англійскаму футболу ўдасканальвацца. Ведаю, што гэта азначае не толькі для шырокай публікі ў Англіі, але і асабліва для людзей, уцягнутых у англійскі футбол. Ад тых, хто выхоўвае маладых гульцоў, да тых, хто кіруе клубамі. Насамрэч увогуле на кожным узроўні футбола.

Мы павысілі давер да англійскага футбола ў тым, як яго ўспрымаюць па ўсім свеце. Але, нарэшце, пакуль мы не выйграем гэты трафей, заўсёды будуць пытанні як за мяжой, так і дома пра тое, што мы зрабілі», – сказаў Саўтгейт.

Фінал Еўра-2024 паміж Англіяй і Іспаніяй адбудзецца 14 ліпеня.

Аўтар: Dzmitry Antonau

Крыніца: Sky Sports