Футбольная асацыяцыя Гібральтару падала скаргу ва УЕФА ў сувязі з «вельмі правакацыйнымі і абразлівымі» святкаваннямі гульцамі зборнай Іспаніі перамогі на Еўра-2024, паведаміў The Athletic.

У час правядзення парада перамогі ў Мадрыдзе футбалісты выступілі на сцэне. Родры сказаў у мікрафон, што «Гібралтар – гэта Іспанія».

«Футбольная асацыяцыя Гібральтару адзначыла вельмі правакацыйны і абразлівы характар святкавання перамогі мужчынскай зборнай Іспаніі на Еўра-2024.

У футболе няма месца для такіх паводзінаў», – гаворыцца ў заяве асацыяцыі.

Гібралтар размешчаны на Пірэнэйскім паўвостраве, але з'яўляецца тэрыторыяй Вялікабрытаніі.

Гібралтар стаў брытанскай тэрыторыяй у 1713 годзе, пасля таго як англа-нідэрландскія войскі захапілі паўвостраў у Іспаніі. У 1967 годзе яго насельніцтва не прыняло іспанскі суверэнітэт на рэферэндуме, а ў 2002 годзе яны адхілілі агульны суверэнітэт Іспаніі і Вялікабрытаніі.

Аўтар: Jaŭhen Paŭlavič

Крыніца: The Athletic

Зборная Іспаніі па футболе