РПЛ: «Рубін» Лісаковіча перамог «Ніжні Ноўгарад»
З 20 па 22 ліпеня прайшлі матчы каманд з беларускімі легіянерамі ў 1-м туры РПЛ.
20 ліпеня
«Лакаматыў» абыграў «Акрон» Мікіты Баранока (3:2). Беларускі абаронца правёў увесь матч на лаўцы запасных.
«Крылы Саветаў» Кірыла Пячэніна разгромна прайгралі «Зеніту» (0:4). Беларускі абаронца выйшаў на замену на 64-й хвіліне, рэзультатыўнымі дзеяннямі не адзначыўся.
«Дынама» Масква Андрэя Кудраўца абыграла «Факел» (3:1). Беларускі брамнік на поле не выходзіў.
«Растоў» згуляў унічыю з ЦСКА Арцёма Шуманскага (0:0). Беларускі нападаючы правёў матч на лаўцы запасных.
21 ліпеня
«Арэнбург» Цімафея Мартынава выйграў у «Спартака» (2:0). Беларус прапусціў матч з-за траўмы.
«Хімкі» Захара Волкава і Рамана Юзапчука згулялі ўнічыю з «Дынама» Махачкала Кірыла Зіновіча і асістэнта трэнера Арцёма Радзькова (1:1). Зіновіч выйшаў на поле на 74-й хвіліне, Волкаў усю гульню правёў на лаўцы запасных, Юзапчук не трапіў у заяўку.
22 ліпеня
«Ніжні Ноўгарад» прайграў «Рубіну» Віталя Лісаковіча (2:4). Лісаковіч правёў усю гульню на лаўцы запасных.
