Клубам засталося дамовіцца па канчатковай суме трансферу і спосабе аплаты, магчымыя варыянты – фіксаваная сума + бонусы за дасягненне пэўных мэт або выплата адступных (40 млн еўра – заўв.), але некалькімі плацяжамі.

Дэталі яшчэ не ўзгодненыя, але «матрацнікі» маюць намер заключыць здзелку на працягу некалькіх дзён і зрабіць гэта да таго, як іншыя клубы змогуць умяшацца ў барацьбу. У апошнія гадзіны цікавасць да гульца праяўлялі «Вэст Хэм» і «Рома».

Сам украінец пагадзіўся на пераход яшчэ некалькі тыдняў таму. Ён настолькі ў ім зацікаўлены, што гатовы аказаць ціск на «Жырону» ў выпадку, калі перамовы зойдуць у тупік.

«Жырона» ў мінулым сезоне заняла 3-е месца ў турнірнай табліцы Ла Лігі, «Атлетыка» – 4-е. Абодва клубы згуляюць у Лізе чэмпіёнаў.

Арцём стаў найлепшым бамбардзірам чэмпіянату, аформіўшы 25 галоў і аддаўшы 10 рэзультатыўных перадач у 41 матчы. Статыстыка тут.

Аўтар: cымон pушынскі

Крыніца: Relevo