Чэмпіянат Казахстана: «Шахцёр» Лісаковіча і «Жэніс» Волкава падзялілі ачкі, «Жэтысу» Шрамчанкі і «Туран» Васілючака згулялі ўнічыю і іншы вынік
31 жніўня і 1 верасня прайшлі матчы 19-га тура чэмпіянату Казахстана з удзелам беларускіх футбалістаў.
31 жніўня
«Табол» беларускага асістэнта трэнера Яўгена Крэсіка і «Атырау» беларускага галоўнага трэнера Віталя Жукоўскага, асістэнтаў Паўла Плюта і Андрэя Місюка, а таксама гульцоў Ягора Хаткевіча, Ігара Стасевіча, Мікіты Сцяпанава і Мікалая Сігневіча падзялілі ачкі (1:1). Сігневіч выйшаў з першых хвілін і забіў мяч на 12-й, Стасевіч выйшаў з першых хвілін і на 56-й зарабіў папярэджанне, пакінуў поле на 79-й, Сцяпанаў і Хаткевіч правялі ўсю гульню на полі.
«Актабэ» Дзмітрыя Бяссмертнага саступіў «Елімаю» Мікіты Корзуна і беларускага асістэнта трэнера Валерыя Каршакевіча (1:3). Бяссмертны выйшаў з першых хвілін і быў заменены на 76-й. Корзун выйшаў з першых хвілін і на 40-й зарабіў папярэджанне.
«Кайсар» Дзмітрыя Барадзіна, Васіля Соўпеля і без Руслана Юдзянкова перамог «Ардабасы» Усевалада Садоўскага і Сяргея Ігнатовіча (2:1). Соўпель выйшаў з першых хвілін і быў заменены на 64-й, Барадзін таксама выйшаў з першых хвілін і быў заменены на 85-й, Юдзянкоў у заяўку не трапіў. Ігнатовіч правёў усю гульню на лаўцы запасных, Садоўскі выйшаў з першых хвілін і быў заменены на 71-й.
1 верасня
«Кайрат» Аляксандра Мартыновіча і без Валерыя Грамыка саступіў «Астане» Макса Эбонга (0:1). Мартыновіч правёў усю гульню на полі, Грамыка прапусціў матч з-за траўмы. Эбонг таксама правёў усю гульню на полі.
«Жэтысу» Антона Шрамчанкі і Канстанціна Кучынскага згуляў унічыю з «Туранам» Уладзіслава Васілючака. Кучынскі выйшаў на 67-й хвіліне, Шрамчанка выйшаў з першых хвілін і на 67-й пакінуў поле. Васілючак правёў усю гульню на полі.
«Шахцёр» Карагадна Дзмітрыя Лісаковіча і «Жэніс» Сяргея Волкава і Дзяніса Грачыха падзялілі ачкі (0:0). Лісаковіч выйшаў на 66-й хвіліне. Волкаў правёў усю гульню на полі, Грэчыха – на лаўцы запасных.
