Іван Бахар: «Пасля двух еўракубкавых месяцаў мінскага «Дынама» нашым супернікам у ЧБ будзе нялёгка»
Паўабаронца мінскага «Дынама» Іван Бахар распавёў пра вяртанне каманды ў чэмпіянат Беларусі пасля еўракубкавай кампаніі.
– У апошніх чатырох сустрэчах зборная не забівае, а ты – нападаючы, і твая галоўная задача – галы. Ці адчуваеш дадатковы ціск праз гэта?
– На двух апошніх зборах, калі каманда не забівала, мяне не было. Але гэта зусім не значыць, што па гэтай прычыне не было галоў. (Усміхаецца.) Я не сказаў бы, што ёсць дадатковы ціск. Па-першае, мы ўсяго два дні таму вярнуліся ў Беларусь, і ў такім шчыльным графіку складана ўсачыць за тым, што на цябе цісне. А па-другое, я ўпэўнены: усе хлопцы, якія прыляцелі ў Хевіз, у добрай форме. Так што будзем выпраўляць сітуацыю.
– Узровень супраціву ў еўракубках відавочна спрыяе таму, што хлопцы з «Дынама» знаходзяцца ў добрых кандыцыях. Гэта так?
– Так. Безумоўна, нам удалося пагуляць з моцнымі супернікамі. Там і інтэнсіўнасць іншая, і тэмп. Скажу дакладна, што пасля гэтых двух месяцаў нашым супернікам ва ўнутраным чэмпіянаце будзе нялёгка. Хочацца верыць, што гэта дапаможа нам і ў матчах зборнай, але пра гэта будзем судзіць пазней. Але тое, што матчы ў Еўропе дапамаглі нам фізічна і, галоўнае, псіхалагічна, – сто адсоткаў, – сказаў Бахар.
