Сяргей Яромка: «І малы, і стары – сядзяць у тэлефонах. Не скажу, што дрэнна, але гэта, напэўна, альтэрнатыва двароваму футболу»
Галоўны трэнер зборнай Беларусі U-21 Сяргей Яромка распавёў пра ўплыў гаджэтаў на развіццё футбола ў краіне.
– Мы паспявалі схадзіць на трэніроўку, прыбегчы дадому, зрабіць урокі, пераапрануцца, пайсці на вуліцу, пагуляць у хакей зімой, у футбол летам, двор на двор, школа на школу. Вось гэтым жыў Мінск. Цяпер, на жаль, нават там, дзе паклалі штучныя пляцоўкі, рэдка, калі такое ўбачыш. На сённяшні дзень масавы футбол не дае штуршка прафесійным гульцам.
– На Ваш погляд, праблема ў гаджэтах, ці дзесьці глыбей?
– Дапусцім, сёння без машыны – ехаў у грамадскім транспарце, у метро. Глядзіш вакол – усё: і малы, і стары – сядзяць у тэлефонах. Не скажу, што дрэнна, але гэта, напэўна, альтэрнатыва двароваму футболу, калі браць чыста спартыўны аспект. Нядаўна размаўляў па тэлефоне – заходзяць хлопцы са зборнай (не буду называць, якога ўзросту), не вітаюцца. Спыняю гутарку, пытаюся, чаму так. Яны мне: «Ой-ой, мы забыліся». Таму так, я б гаджэты абмяжоўваў, шчыра.
– Гэта неяк уплывае на лідарскія якасці футбалістаў? Нядаўна Жазэ Маўрынью, казаў, што Лэмпард у 23 гады быў мужчынам, на плечы якога можна было паставіць калектыў. А цяпер яго футбалісты ў тэлефонах адразу пасля гульні.
– Нават не ведаю, забараніць на сённяшні дзень – таксама няправільна. Абмежаваць, хутчэй за ўсё, будзе лепш. У распранальні, калі тэлефон тэлефануе, гэта, адназначна, штраф, нават не абмяркоўваецца. Калі футбаліст сядзіць у слухаўках і слухае музыку, рыхтуючыся да матчу, то чаму не? Няхай настройваецца, – сказаў Яромка.
