«Манчэстэр Сіці» разглядае кандыдатуру галоўнага трэнера «Спортынга» Рубена Амарыма як кандыдата наўзамен Пэпу Гвардыёле, калі іспанец пакіне клуб летам, паведамляе выданне The Guardian.

Раней з'явілася інфармацыя, што «гараджане» дамовіліся пра падпісанне кантракта са спартыўным дырэктарам «Спортынга» Угу Віянай, які павінен замяніць на гэтай пасадзе ў «Сіці» Чыку Бегірыстайна пасля заканчэння сезона.

Гэта адзін з аргументаў, чаму называецца кандыдатура 39-гадовага партугальца. Сярод іншага згадваецца цікавасць да спецыяліста вясной і летам гэтага года, калі паведамлялася, што Амарым быў кандыдатам, каб узначаліць «Ліверпуль», «Чэлсі» і «Вест Хэм».

Нагадаем, што дзеючае пагадненне Гвардыёлы з «Манчэстэр Сіці» заканчваецца летам 2025 года.

Рубен Амарым ўзначальвае «Спортынг» з сакавіка 2020 года. За гэты час ён двойчы станавіўся пераможцам чэмпіянату Партугаліі, столькі ж разоў выйграваў Кубак лігі і ў сезоне 2021/22 заваяваў Суперкубак краіны.

Інсайдэр Фабрыцыа Рамана раней пісаў, што англійскі клуб хоча захаваць Гвардыёлу, нягледзячы на змену спартыўнага дырэктара.

Аўтар: Ryhor Bartaševič

Крыніца: The Guardian