Мамардашвілі аднаасобна ўзначальвае рэйтынг самых дарагіх варатароў свету па версіі Transfermarkt
Галкіпер «Валенсіі» і зборнай Грузіі Гіоргі Мамардашвілі аднаасобна стаў самым дарагім брамнікам свету па версіі Transfermarkt.
24-гадовы брамнік, кантракт якога належыць «Ліверпулю», зараз ацэньваецца ў 45 мільёнаў еўра. Ён выступае за іспанскі клуб на правах арэнды.
Мамардашвілі аднаасобна ўзначаліў гэты рэйтынг пасля таго, як Transfermarkt 19 снежня абнавіў трансферны кошт гульцоў чэмпіянату Партугаліі.
25-гадовы брамнік «Порту» Дыёгу Кошта страціў у трансферным кошце 5 мільёнаў. Цяпер Transfermarkt ацэньвае яго ў 40 мільёнаў еўра, што з'яўляецца 2-м найлепшым паказчыкам. Таксама адзнаку кошту ў 40 мільёнаў еўра мае Давід Рая з «Арсенала» і Грэгар Кобель з «Барусіі» Дортмунд.
У гэтым сезоне Гіоргі Мамардашвілі правёў 14 матчаў за «Валенсію», прапусціў у іх 22 галы і 3 разы згуляў на нуль. Статыстыка тут.
Улетку «Ліверпуль» набыў грузінскага брамніка ў «Валенсіі» і пакінуў яго ў іспанскім клубе ў арэндзе да канца бягучага сезона. Улетку 2025-га ён далучыцца да складу «мерсісайдцаў».
Топ-8 самых дарагіх брамнікаў свету па версіі Transfermarkt:
1. Гіоргі Мамардашвілі («Валенсія») – 45 мільёнаў еўра
2-4. Дыёгу Кошта («Порту») – 40 млн
2-4. Давід Рая («Арсенал») – 40 млн
2-4. Грэгар Кобель («Барусія» Дортмунд) – 40 млн
5-8. Джанлуіджы Данарума («ПСЖ») – 35 млн
5-8. Гульельма Вікарыа («Тотэнхэм») – 35 млн
5-8. Андрэ Анана («Манчэстэр Юнайтэд») – 35 млн
5-8. Майк Меньян («Мілан») – 35 млн
