«Арыс» Шпілеўскага стаў партнёрам беларускага распрацоўшчыка футбольнага сімулятара UFL
Кіпрскі «Арыс» беларускага галоўнага трэнера Аляксея Шпілеўскага абвясціў пра партнёрства з беларускай IT-кампаніяй Strikerz Inc., якая стварыла футбольны сімулятар UFL.
«Мы ганарымся тым, што з'яўляемся часткай такога значнага і амбіцыйнага праекту, як UFL! Гэтае партнёрства дае нам магчымасць прадставіць наш клуб на сусветнай арэне побач з такімі вядомымі камандамі, як «Манака» і «Баер».
Супрацоўніцтва з UFL – гэта цудоўны шанец вывесці наш брэнд на міжнародны ўзровень», – сказаў дырэктар па маркетынгу «Арыса» Аляксей Дазорцаў.
«У найбліжэйшай будучыні мы плануем цалкам інтэграваць нашу каманду і хатні стадыён у гульню! Гэта неверагодны крок наперад і дасягненне для нашага клуба, і мы шчаслівыя быць часткай гэтага працэсу. Мы ўпэўненыя ў паспяховым і плённым супрацоўніцтве!», – адзначана ў заяве клуба.
