Яўген Бярозкін: «Трэнер «Елімая» быў зацікаўлены ў маім пераходзе»
Беларускі паўабаронца «Елімая» (Казахстан, Д1) Яўген Бярозкін распавёў пра свой пераход.
– Як узнік варыянт з «Елімаем»?
– Нічога незвычайнага. Кіраўнікі клуба звязаліся з агентам і прапанавалі перайсці ў каманду. Плюс, наколькі мне вядома, галоўны трэнер [Андрэй Карповіч] таксама быў зацікаўлены. Абмеркавалі ўсе ўмовы і ўдарылі па руках.
– Ці раіліся з Мікітам Корзунам? Дарэчы, ня ведаеце, ці застаецца ён у «Елімаі»?
– Не, з Мікітам з гэтай нагоды не меў зносіны. Спадзяюся, што ён застаецца. Гэта добры і якасны футбаліст, лідар «Елімая».
– Якія яшчэ варыянты працягу кар'еры былі ў вас гэтай зімой?
– Цяпер ужо няма сэнсу пра іх казаць. Будзе не зусім карэктна ў адносінах да іншых клубаў. Я спыніўся на гэтым варыянце і вельмі задаволены.
– Якія задачы пастаўлены перад «Елімаем» на сезон-2025?
– Пра задачы можна гаварыць або не гаварыць, але, на маю думку, у спорце яны павінны быць самыя высокія – перамагаць у кожнай гульні і імкнуцца да заваёвы кубкаў і медалёў, – сказаў Бярозкін.
