Уладальнік «МЛ Віцебск» Лявонаў: «Кірыленка даведаўся, што ў кагосьці з новенькіх рабят умовы лепш і скасаваў кантракт»

Уладальнік «МЛ Віцебск» Арцём Лявонаў распавёў аб растанні з Кірылам Кірыленкам.

– Не сакрэт, што ў снежні ён падпісаў кантракт на год, і на той момант умовы яго цалкам задаволілі.

У студзені Кірыл даведаўся, што ў кагосьці з новенькіх рабят умовы лепш, і палічыў, што гэта несправядліва, прапанаваўшы скасаваць кантракт. Мы не сталі перашкаджаць, і на сваю просьбу ён атрымаў згоду.

Пасля скасавання кантракту я даведаўся ад хлопцаў, якія засталіся ў клубе, што ён і іх угаворваў сысці з каманды па той жа прычыне, аднак ніхто яго не падтрымаў.

Кірыл – таленавіты і добры футбаліст, на якога мы разлічвалі ў гэтым сезоне. Застаецца толькі пажадаць яму знайсьці добрую каманду, – сказаў Лявонаў.