«Мы хацелі перамагчы і падняцца ў табліцы. Першая палова была крыху дзіўнай, бо мы не стварылі шмат момантаў. Стала лепш пасля таго, як мы выйшлі наперад, але яны засяродзіліся на контратаках і чаканні нашых памылак, што дазволіла ім забіць.

Я думаю, у цэлым мы зрабілі дастаткова, каб заслужыць усе тры ачкі.

Усе матчы Серыі А складаныя, але нам трэба засяродзіцца на пазітыве, працаваць над памылкамі і працягваць удасканальвацца, рухаючыся да нашых мэт.

Кансейсау прынёс у каманду ментальнасць, жаданне заўсёды знаходзіцца на палове поля суперніка. Адціскаць іншую каманду назад. Гэта тое, што мы імкнемся рабіць. У нас не было шмат часу на працу, але ён ужо ўкараніў свае ідэі, і гульцы імкнуцца ўбіраць тое, што ён хоча.

Нам трэба быць больш мабільнымі, таму што калі мы статычныя, «Кальяры» лягчэй абараняцца. Мы адкарэктавалі некалькі момантаў, і ў другім тайме ўсё пайшло лепш. Трэнер дае мне свабоду выбару пазіцыі на полі, гэтае разуменне момантаў гульні і ўсведамленне таго, куды ісці. Я задаволены тым, што знаходжуся бліжэй да цэнтру, бо я бліжэй да брамы.

У мяне няма асаблівых пераваг, я гуляю там, куды ставіць мяне трэнер. Я проста хачу дапамагаць камандзе і перамагаць», – сказаў Леау.

Аўтар: cымон pушынскі

Крыніца: football-italia