– Па-першае, лічу няправільным тое, што беларускія клубы мала зарабляюць на продажах футбалістаў. Але яны ўсё зрабілі для таго, каб сітуацыя была такой і за трансферы яны атрымлівалі невялікія грошы.

Бо сёння ўсё, што рэгулюецца ў дзейнасці нашых клубаў, не садзейнічае таму, каб яны валодалі правамі на гульцоў.

Па-другое, зараз цікавасць да беларускіх футбалістаў абумоўлена перш за ўсё тым, што яны абыходзяцца танней за канкурэнтаў – за трансфер часцяком не трэба плаціць, і зарплатныя запыты ў іх ніжэй.

Па-трэцяе, продажаў магло быць больш, але часцяком пераходы зрываюцца з-за таго, што клубныя босы патрабуюць за гульцоў, якія знаходзяцца на кантрактах, неадэкватныя сумы. Як быццам гэта футбаліст з РПЛ – паўмільёна еўра, мільён, паўтара... Бяруць лічбы са столі.

Я згодны, што трэба мяняць сітуацыю з тым, што нашы клубы не валодаюць працяглымі правамі на вядучых гульцоў, але гэта праблема не гульцоў, а клубаў. Змяніць становішча пустымі патрабаваннямі немагчыма, – сказаў Ісаеў.

Аўтар: Iгнат Калiнiн

Крыніца: betnews.by

Валерый Ісаеў

Чэмпіянат Беларусі па футболе

Трансферы футбола

Грошы

Футбол