Футбалістка «Чэлсі» Кэр, якая назвала паліцыянта «тупым белым», паўстала перад судом
3 лютага ў Лондане пачаліся слуханні па справе аўстралійскай нападаючай «Чэлсі» Саманты Кэр, якая абвінавачваецца ў абразе супрацоўніка паліцыі на расавай глебе. Інцыдэнт адбыўся 30 студзеня 2023 года ў Твікнэме, заходнім прыгарадзе Лондана.
Па сведчаннях пракурора, Кэр разам з футбалісткай «Вест Хэма» Крысці Мевіс спрабавалі разбіць акно падчас паездкі ў таксі раніцай.
У паліцэйскім участку, куды таксіст павёз дзяўчат, нападаючы «Чэлсі» сказала супрацоўніку праваахоўных органаў Стывену Ловелу: «Вы, хлопцы, ####### (чортавы – заўв.) тупыя белыя».
На судзе Кэр не прызнала сваю віну. Тым часам адвакат футбалісткі Грэйс Форбс заявіла:
«Сэм Кэр не адчувала варожасці да паліцыянта з-за таго, што ён белы. Яе выказванне, хоць і было дрэнна сфармулявана, датычыла пазіцый улады, прывілеяў і пра тое, як гэтыя рэчы могуць уплываць на ўспрыманне».
Адзначым, што Кэр – найлепшы бамбардзір зборнай Аўстраліі з 69 галамі.
