Ханс-Дзітэр Флік: «Трэніраваць «Барселону» – гэта мара, якая здзейснілася»

Галоўны трэнер «Барселоны» Ханс-Дзітэр Флік напярэдадні чвэрцьфінальнага матча Кубка Іспаніі супраць «Валенсіі» адказаў на пытанне, ці мог ён уявіць сябе трэнерам каталонскай каманды.

– Ці маглі б вы ўявіць сябе трэнерам «Барселоны» ва ўзросце 60 гадоў, да таго ж з такімі добрымі вынікамі?

– У сваім жыцці я часта разважаю пра тое, чым бы хацеў займацца, і часам многія мае мары спраўджваюцца. Адной з такіх мараў было трэніраваць «Барселону». Для мяне гэта сапраўднае здзяйсненне жадання.

Я люблю гэты горад, надвор’е і кухню тут. Я захапляюся гэтым клубам, мне вельмі падабаецца працаваць кожны дзень разам з маім персаналам і трэніраваць гэтую каманду – гэта фантастыка. Гульцы тут унікальныя, я ніколі раней не сустракаў нічога падобнага, таму што яны сапраўды любяць трэніравацца і атрымліваюць асалоду ад футбола. Я вельмі цаню такія рэчы, таму так, гэта мара, якая здзейснілася, – сказаў Флік.

24 лютага нямецкаму спецыялісту споўніцца 60 гадоў.

Ён узначаліў каманду летам 2024-га. У гэтым сезоне «Барселона» выйграла Суперкубак Іспаніі, прайшла ў 1/8 фіналу Лігі чэмпіёнаў і займае трэцяе месца ў Ла Лізе.

Матч «Валенсія» – «Барселона» адбудзецца 6 лютага, пачатак у 22:30.