Аляксандэр Ісак: «Галоўная перавага гульні разам са Златанам – абаронцы былі больш засяроджаныя на ім, чым на мне»
Нападаючы «Ньюкасла» Аляксандэр Ісак узгадаў матчы за зборную Швецыі, у якіх ён знаходзіўся на полі разам са Златанам Ібрагімавічам.
– Ты паспеў пагуляць з Ібрагімавічам у зборнай. У чым галоўная перавага гульні разам са Златанам?
– Напэўна, у тым, што абаронцы былі засяроджаныя на ім больш, чым на мне, дзякуючы чаму я атрымліваў крыху больш свабоды.
Але мы згулялі толькі 2 ці 3 гульні разам, калі ён вярнуўся ў зборную, так што ў мяне не было шмат магчымасцяў праз гэтыя асаблівыя абставіны зрабіць нейкія паўнавартасныя высновы. Але, вядома, са Златанам было вельмі добра гуляць. Гэта быў добры досвед.
– Хто твой самы цяжкі сапернік, з якім ты сутыкаўся на працягу кар'еры?
– Магчыма, калі я гуляў у Іспаніі, я б вылучыў Серхіа Рамаса - ён прычыняў вельмі шмат цяжкасцяў. Але гэта быў вельмі цікавы досвед.
– Калі б ты мог палепшыць адзін са сваіх футбольных навыкаў, які ты абраў бы?
– Я б, напэўна, назваў уменне забіваць галавой - гэта мой не самы моцны бок. Як нападаючы ты павінен умець забіваць усімі магчымымі спосабамі. Думаю, што гэта я магу паляпшаць, – сказаў Ісак.
Златан гуляў за зборную Швецыі з 2001 па 2016 і з 2021 па 2023 гады. Ісаак гуляе за «сіне-жоўтых» з 2017-га.
