Аляксандр Свірэпа: «Мабыць, у мінскім «Дынама» мяне не бачылі»
Навічок БАТЭ Аляксандр Свірэпа пракаментаваў пераход у клуб з мінскага «Дынама».
– Паміж клубамі заўсёды прысутнічае прынцыповасць. Кожны хоча даказаць, што гэта гранды беларускага футбола. І няважна якія цяпер сітуацыі ў калектывах. Імя ёсць і ў БАТЭ, і ў мінскага «Дынама».
– А з нагоды асабістай прынцыповасці нешта можаце сказаць?
– Ды якая тут можа быць прынцыповасць... Так, быў у «Дынама» два сезоны, але першы правёў у якасці гульца ратацыі, а другі ў арэндзе ў Брэсце. Прыйшлося нам расстацца... Мабыць, у гэтай камандзе мяне не бачылі. Трэба было нешта мяняць.
– А якія прычыны сыходу?
– Усякае бывае. Трэнерскі штаб зрабіў стаўку на іншых хлопцаў, канкурэнцыя ў камандзе шалёная. Мабыць, я яе прайграў проста. Іншых тлумачэнняў у мяне няма. Вадзім Віктаравіч Скрыпчанка, напэўна, бачыў, што пад яго стыль гульні падыходзіць іншы футбаліст больш, чым я, – сказаў Свірэпа.
