Футбольная асацыяцыя Англіі (FA) выставіла абвінавачванні «Эвертану», «Ліверпулю» і трэнерам «мерсісайдцаў» Арнэ Слоту і Сіпке Гюльсхофу пасля матчу, які адбыўся 12 лютага.

Учора, 14 лютага, на сваім сайце FA апублікавала афіцыйную заяву, у якой паказала, у чым абвінавачваюцца клубы і трэнеры «Ліверпуля».

Сцвярджаецца, што клубы не змаглі забяспечыць, каб іх гульцы і персанал, які знаходзіўся ў тэхнічнай зоне, паводзілі сябе належным чынам і не здзяйснялі правакацый пасля фінальнага свістка.

Арнэ Слота абвінавацілі ў нібыта неналежных дзеяннях і выкарыстанні абразлівых або нецэнзурных слоў у адрас арбітра матчу і яго асістэнта пасля завяршэння гульні.

Яго асістэнта — у тым, што ён здзяйсняў адпаведныя дзеянні да і пасля выдалення ў дачыненні да афіцыйнай асобы матчу.

Усе абвінавачаныя бакі маюць час да серады, 19 лютага, каб даць свае тлумачэнні.

Нагадаем, што пасля матчу паміж гульцамі «Эвертана» і «Ліверпуля» адбылася сутычка.

Арнэ Слот атрымаў выдаленне пасля заканчэння гульні за размовы з арбітрам Майклам Оліверам.

Аўтар: Віктар Нікольскі

Крыніца: thefa.com