Калі браць па якасці гульні – сапраўды, я ім незадаволены. Незадаволены тым, што мы павольна рухаемся наперад у гэтым плане. Так, хлопцы імкнуцца на трэніроўках, але, паўтаруся, вельмі маруднымі крокамі мы рухаемся. У нас яшчэ ёсць час, але хацелася б, каб усё паляпшалася ад гульні да гульні. Але я думаю, што ўсё роўна трэніровачны працэс дасць нам свой плён.

Мы не будзем адмаўляцца ад нашай гульні. Гэта, мусіць, першы гол, якія мы прапусцілі ў пачатку гульні. Так, ёсць праблемы ў нас у першай і другой зоне, то бок у пачатку нападу, у сярэдняй зоне, каб мы больш атакавалі. У першым тайме гэтага не хапала. То бок мы дрэнна працавалі і ў пачатку атакі, і ў развіцці, каб даводзіць гульню да варот. Таму ў нас былі праблемы ва ўсіх зонах.

У другім тайме ўжо недзе больш пазіцыйна атакавалі. Тое, што мы хацелі найграць, у прынцыпе атрымлівалася. Але не скажу, што нават і ў другім тайме я моцна задаволены якасцю гульні. Хочацца, каб хлопцы ўсё разумелі, больш адказна ставіліся да трэніровак, да гульняў і да свайго развіцця.

– Чаму асноўны абойме не атрымаўся ў першы тайм?

– Хтосьці скажа, што асноўная абойма. Я перад гульнёй на ўстаноўцы казаў, што ў нас няма зараз на дадзены момант першага ці другога складу. Мы глядзім, спрабуем найграць нейкія сувязі, узаемадзеянні паміж групай гульцоў, але ў нас няма такога падзелу. Бліжэй да чэмпіянату – так. І ўжо гульня першага туру пакажа, хто ў асноўным складзе, а хто будзе выходзіць на замену.

Другі тайм атрымаўся лепшым, больш атакавалі, зразумела, у суперніка было менш сіл. Рэалізавалі тыя моманты, якія ў нас былі. Калі б у першым тайме мы хаця б адзін гол забілі, я думаю, што было б і ў першай палове лягчэй. А так, пакуль сілы ў «Баранавічаў» былі, яны добра прэсінгавалі, паўтаруся, у нас не атрымлівалася развіццё атакі.

– Ці давялося вам уключаць павышаны тон?

– Не, павышанага тону няма. Я гульцам спакойна тлумачу, якімі момантамі мы незадаволены з трэнерскім штабам. Я думаю, што на дадзены момант такой патрэбы ў гэтай гульні не было. Жадаецца ўсё ж да іх данесці, каб яны зразумелі, што мы хочам ад іх, якую гульню бачыць і што яны павінны рабіць.

– Зноў прапусцілі на першай хвіліне, як і ў спарынгу з мінскім «Дынама». Гэта трывожыць?

– На дадзены момант няма, зразумела, што гэта падрыхтоўчы перыяд. Але ў любым выпадку, мы неяк на гэта будзем рэагаваць. Недзе, магчыма, нам варта спрасціць нашу гульню, а не з першых хвілін старацца кантраляваць мяч. Але гэтага моманту не баюся, і будзем рэагаваць адназначна.

– Задаволеныя моладдзю, якая адыграла другі тайм і забіла чатыры мячы?

– Хочацца, каб маладыя хлопцы развіваліся, ад матчу да матчу дадавалі. Калі яны забіваюць, прагрэсуюць, значыць, я буду толькі рады.

– Чаму некаторыя гульцы не былі задзейнічаны сёння? Скапец, Мартынаў, Осіпаў.

– Асноўная праблема – гэта дыскамфорт, нейкія траўмы. Таму мы, як заўсёды, не рызыкуем здароўем футбалістаў. Паспеюць ачуняць – значыць, з панядзелка будуць рыхтавацца ў агульнай групе.

– Як у цэлым працуецца на зборы ў Гродна?

– Добрыя ўмовы пражывання, трэніровачны працэс, канферэнц-зала. Усё тут створана для таго, каб мы якасна працавалі, – адзначыў Мігаль.

Аўтар: Александр Литвинов

Крыніца: Пресс-служба БАТЭ