Іван Садаўнічы: «Нёман» разлічвае на станоўчы вынік у Суперкубку»
Абаронца «Нёмана» Іван Садаўнічы выказаўся аб надыходзячым матчы за Суперкубак Беларусі з мінскім «Дынама».
– Мы разлічваем на станоўчы вынік. У каманды пазітыўны настрой і выдатны настрой у распранальні. З гэтым праблем няма дакладна. І мы, і «Дынама», правялі добры сезон і заслужылі згуляць у матчы-адкрыцці. У такіх гульнях слабога суперніка быць не можа. Для ўсіх добра, калі моцныя каманды сустракаюцца часцей: і для саміх каманд, і для заўзятараў, і для футбола ў цэлым. Супрацьстаянне за Суперкубак складаецца з аднаго матчу, таму хто ў гэты дзень будзе мацней, той і забярэ трафей.
А прынцыповасці мы не адчуваем. Што ты можаш трапіць у гісторыю, часцей прыходзіць пасля таго, як ужо трапляеш у яе. Зараз жа ёсць толькі жаданне заваяваць для горада і нашых балельшчыкаў гэты трафей. Мы запрашаем усіх жоўта-зялёных на суботні матч. Нам будуць вельмі важныя вашы галасы, – сказаў Садаўнічы.
