Аляксей Краўчанка: «У Беларусі 90 адсоткаў клубаў – дзяржаўныя. Хочацца, каб нейкія датацыі былі і прыватным калектывам»
40-гадовы галоўны трэнер «Паперпрама» Аляксей Краўчанка распавёў пра падтрыманне інтарэса гледачоў і пра праблемы прыватных клубаў Беларусі.
– У Гомелі жывуць па суседстве тры клубы: «Гомель», «Лакаматыў» і «Паперпрам». За кошт чаго «папяровым» удаецца прыцягнуць гледачоў на трыбуны, зацікавіць?
– Адзінае, што можа прыцягнуць людзей на трыбуны – відовішчная гульня і добры вынік, а таксама добрая праца з заўзятарамі. Узяць, напрыклад, «Макслайн»: у Віцебску адначасова існуюць дзве каманды, канкурэнцыя за цікавасць гледачоў высокая. Прыемна было прыязджаць на віцебскі ЦСК у мінулым годзе і бачыць, як падтрымліваюць «Макслайн» на трыбунах. Гэта добра, што людзі ўмеюць зацікавіць балельшчыкаў і прывабіць іх на стадыён.
«Паперпрам» – прыватны клуб, а ў Беларусі іх не так шмат. У нас 90 адсоткаў клубаў – дзяржаўныя. Хочацца, каб нейкія датацыі былі і прыватным калектывам. На мой погляд, такія клубы трэба падтрымліваць. У свеце іх вельмі шмат. А ў нас на дадзены момант няпростая сітуацыя для развіцця прыватных клубаў, – сказаў Краўчанка.
