«Мы чакаем, што падыход будзе такім жа, як і ў папярэдніх матчах, за выключэннем адной-дзвюх дэталяў. Некаторыя адрозненні ў стратэгіі – гэта тое, што мы бачылі ад гульні да гульні, але перш за ўсё гэта каманда, якая любіць валодаць мячом.

Нам трэба праявіць смеласць, амбіцыі і гуляць у сваю гульню, ствараць свае магчымасці і забіваць галы, каб перамагчы. Гэта наша мэта. Было б вялікім гонарам прасоўвацца далей.

Мы павінны разумець, што «Барселона» – вялікая каманда, поўная гульцоў найвышэйшага ўзроўню, у прыватнасці трое чалавек у атацы, хоць у апошнім матчы вылучаўся брамнік, але трое чалавек у атацы сапраўды вельмі моцныя. Ёсць трэнер, які робіць неверагодную працу ў «Барселоне».

Калі мы гулялі супраць «Барселоны», мы стварылі шмат галявых момантаў, у нас заўсёды было адчуванне, што мы можам перамагчы. Трэба захаваць усё добрае, што мы зрабілі, і рэалізаваць гэта зараз.

Я спачуваю «Барселоне» з-за смерці іх лекара і не ведаю, як адрэагуе супернік, гэта заўсёды цяжкі момант. Яны хочуць прысвяціць перамогу некаму вельмі блізкаму, але ў нас таксама ёсць рэчы, якія важныя для нас.

У нашай камандзе ёсць, напрыклад, 37-гадовы гулец, які застаўся дома з-за траўмы. Я кажу пра Анхеля Дзі Марыю, які яшчэ павінен згуляць у Лізе чэмпіёнаў. Ёсць прычыны перамагчы – гэта фінансы і прэстыж, яны важныя для нас.

Ямаль сапраўды вельмі добры гулец, улічваючы яго ўзрост і талент, але з іншага боку ёсць Рафінья, а потым у іх ёсць нападаючы, які на працягу многіх гадоў з“яўляецца адным з лепшых у свеце. Гэта трое вельмі моцных футбалістаў, якія цудоўна ладзяць адзін з адным. У любым выпадку, у гэтых траіх вельмі цікавая дынаміка», – сказаў Лажэ.

Аўтар: cымон pушынскі

Крыніца: Abola