Ламін Ямаль: «Перад Еўра з'явіліся размовы пра тое, ці дастаткова мы з Ніка Уільямсам іспанцы – з таго часу больш не чытаю каментары ў сацсетках»

Вінгер «Барселоны» Ламін Ямаль распавёў, ці чытае ён каментары ў сацсетках.

«У першы год я іх чытаў, але якраз перад Еўра з'явіліся размовы пра тое, ці дастаткова мы з Ніка Уільямсам іспанцы, як і Лапорт з Ле Нарманам… Я вырашыў не глядзець, і з таго часу больш нічога не чытаю, хаця часам сябры мне нешта перадаюць.

Калі пра цябе гавораць добра, вельмі часта прычына ў тым, што гэта гаворыць заўзятар каманды. А калі кажуць дрэнна – значыць, заўзеюць за супернікаў. Важна тое, што пра цябе думаюць твой трэнер, капітан, сям'я ці тыя, хто хоча бачыць цябе паспяховым – гэта сапраўды мае значэнне», – сказаў Ямаль.