– Я не тое, што разлічваю, у гэтым упэўнены. Але заўзятар усё роўна рэагуе на вынікі каманды. Нашы гульцы выдатна разумеюць, што «Маладзечна» не будзе змагацца за чэмпіёнства, але тое, што мы ў астатніх пап'ем крыві, гэта 100%. Заўзятар будзе хадзіць на стадыён, будзе нас падтрымліваць. Такой падтрымкі, як у мінулым сезоне, шчыра кажучы, не чакаў.

На працягу ўсяго мінулага сезона мы давалі вынік – і народ пайшоў. Многае значыць, калі на вырашальны выезд прыязджае два аўтобусы. Мы выйшлі ў вышэйшую лігу, выйгралі матч у Астраўцы, і людзі літаральна плакалі ад шчасця, а гэта дарагога каштуе.

Яшчэ летась сказаў, што мы не можам падводзіць сваіх прыхільнікаў і гуляць праз рукавы. Нашы заўзятары разумеюць, што адбываецца з камандай, і абыякавасці ад нас яны не пацерпяць.

Чакаю, што мы здолеем замацавацца ў вышэйшай лізе. Будзе цікавы сезон, яркія матчы і шмат барацьбы, – сказаў Храпкоўскі.

Нагадаем, «Маладзечна» з 76 баламі завяршыла сезон-2024 на першай пазіцыі ў турнірнай табліцы першай лігі і забяспечыла прамое трапленне ў вышэйшую лігу.

Чэмпіёнам Беларусі ў мінулай кампаніі стала мінскае «Дынама».

Аўтар: Александр Литвинов

Крыніца: sport5.by

Аляксандр Храпкоўскі

Маладзечна

Чэмпіянат Беларусі па футболе

фанаты

Футбол