Хамес Радрыгес: «У Мадрыдзе мяне дагэтуль пытаюцца, чаму я сышоў з «Рэала», гэта значыць, што я выступаў на вельмі высокім узроўні»

Былы паўабаронца «Рэала» Хамес Радрыгес распавёў, чаму абраў менавіта мадрыдскі клуб у 2014 годзе.

«Сіці» і ПСЖ прапаноўвалі за мяне шмат грошай, але Фларэнтына Перэс сказаў: «Чаго ты хочаш? Славы ці грошай?» Вось чаму я падпісаў кантракт з «Рэалам».

У другой або трэцяй гульні чэмпіянату свету-2014 мне сказалі, што» «Рэал» хоча мяне, але баіцца, што я страчу канцэнтрацыю. Я сказаў «Што?» і забіў адзін гол супраць Японіі і два супраць Уругвая, я згуляў лепш.

Я заўсёды быў заўзятарам «Рэала». Нават калі б «Барса» запрасіла мяне ў 2014 годзе, я б выбраў «Рэал».

У Мадрыдзе мяне ўсё яшчэ вельмі любяць, пытаюцца, чаму я сышоў, значыць, я ўсё рабіў добра, я выступаў на вельмі высокім узроўні», – сказаў Хамес.