Арцём Сарока: «Не зразумеў, чаму мяне назвалі найлепшым у матчы з брэсцкім «Дынама». Напружання каля варот «Арсенала» не адчуваў»
Галкіпер «Арсенала» Арцём Сарока падзяліўся меркаваннем пра матч 1-га тура ЧБ супраць брэсцкага «Дынама» (1:1).
– На дваіх каманды набілі 16 удараў у створ. Наколькі гэта цяжкі матч для галкіпера?
– Неяк не моцна адчуваў напружанне каля сваіх варот. Так, падыходы і ўдары былі, але яны былі або не моцныя, або не дакладныя. Плюс у другім тайме палявыя пару разоў заблакавалі хвосткія ўдары, за што ім асобны дзякуй.
Наконт удару Кавалевіча, я момант удару добра бачыў, таму асаблівай цяжкасці злавіць мяч не склала. Былі б праблемы, калі б патрапіў у кут ці ў дзявятку.
– Вы былі прызнаныя найлепшым гульцом сустрэчы ў складзе «Арсенала». Наколькі прыемна атрымаць такую ўзнагароду ў першай афіцыйнай сустрэчы?
– Вельмі прыемна! Але, калі быць сумленным, не да канца зразумеў, чаму я. Не сказаў бы, што я там рабіў нешта звышнатуральнае, каб мяне прызналі найлепшым.
Як мінімум Юра Лавец не менш за мяне заслугоўваў. Усё ж забіў.
– У якасці падарунка вам уручылі пірожныя з лагатыпамі каманд.
– Ну, што я магу сказаць? Дзякуй, было смачна, – сказаў Сарока.
