Андрэй Гараўцоў: «Калі прачнуўся і ўбачыў снег у Гомелі, не хацеў, каб матч з «Тарпеда-БелАЗ» адбыўся»
Галоўны трэнер «Гомеля» Андрэй Гараўцоў падзяліўся меркаваннем пра матч першага тура ЧБ супраць «Тарпеда-БелАЗ» (1:1).
Паядынак праходзіў на стадыёне «Лакаматыў» у Гомелі. Пачатак сустрэчы быў перанесены з 13.00 на 15.00.
– Было незразумела, ці адбудзецца гульня. Першапачаткова, калі прачнуўся і ўбачыў снег, я не хацеў, каб гульня адбылася. Я хацеў, каб быў перанос.
Былі асцярогі, што пасля размінкі поле ператворыцца ў кашу. Што яно проста не вытрымае. Гэтага насамрэч не адбылося. На шчасце, мае асцярогі не пацвердзіліся. Поле было нядрэнным.
– Шмат хто казаў, што такое поле пайшло на карысць «Гомелю»...
– Не. Абсалютна не згодзен. Чаму гэта мусіла пайсці на карысць «Гомелю»?
– Мусіць, таму, што ў суперніка больш тэхнічныя футбалісты, а на такім полі прасцей разбураць з тым стылем, які ў «Гомеля».
– А які стыль гульні ў «Гомеля»? Вы бачылі?
– Хочам убачыць. Зразумела, любіце ў камбінацыйны футбол гуляць.
– Гэтае поле падыходзіць Алексіевічу ці Нета?
– Відавочна, не.
– А Сяляве і Бутарэвічу? – сказаў Гараўцоў.
