Гулец «Агра-Пелішча» Нэльсан: «Не разумею, як есці чорны хлеб без цукру. Гарэлку і піва не п'ю. Афрыканскія прадукты заказваю з Польшчы і Расіі»

Нігерыйскі абаронца Люк Нэльсан, які выступае за «Агра-Пелішча» з Камянца (Д3), распавёў пра харчаванне ў Беларусі.

– Думаю, непаважліва казаць дрэнна пра ежу іншай краіны. Але, жывучы ў Брэсце, я набываю шмат афрыканскіх прадуктаў.

Заказваю іх у крамах у Польшчы ці Расіі. Так што праблем у мяне няма.

З беларускай ежы люблю смажаную бульбу, але ем яе не так часта, як вашы людзі. Люблю бліны.

Зразумела, што культуры ў нас зусім розныя. Я, напрыклад, не разумею, як можна есці чорны хлеб без цукру. Як? Хоць прасіце мяне, але я есці не буду – ён жа на смак несалодкі!

Люблю і белы хлеб з цукрам. Таксама я не п'ю гарэлку і піва, не ем тунец, саленні.

Акрамя таго, не вельмі падабаюцца салаты, якія тут робяць. Вядома, я іх ем. Але калі ёсць магчымасць, то лепш я сам прыгатую салат, – сказаў Нэльсан.