Супрацоўнік БТРК Салавей – пра матч «Мінск» – «Нафтан»: «Мы ведаем, якую методыку выкарыстоўвалі для запаўнення трыбун»
Супрацоўнік БТРК Генадзь Салавей у эфіры праграмы «На грани фола» на тэлеканале «Беларусь 5» закрануў тэму наведвальнасці матчаў ЧБ.
У прыватнасці, матч-адкрыццё турніру «Мінск» – «Нафтан» наведалі 2900 гледачоў.
Фёдар Прошкін. «Нешта ў нябёсах сышлося, у стартавым матчы чэмпіянату назіраўся аншлаг. Было шмат дзяцей на трыбунах, і была асцярога, што яны могуць сысці з другога тайма. Але большасць гледачоў засталася, антураж у матча атрымаўся нядрэнным».
Генадзь Салавей: «Я быў на матчы, магу табе сказаць, што гледачы на другі тайм засталіся не ўсе. У прынцыпе, мы ведаем, якую методыку выкарыстоўвалі для запаўнення трыбун у першым матчы. Я не магу сказаць – за ці супраць гэтага спосабу. Там было шмат дзяцей, магчыма, камусьці з іх спадабалася і нехта прыйдзе наступным разам ужо па ўласнай волі.
Але дзе рэальная цікавасць да беларускага футбола? У чацвер на матчы «Мінск» – «Нафтан», дзе было 2900 на трыбунах або ў пятніцу на матчы «Іслач» – «Славія», дзе зафіксавана 350 чалавек на трыбунах? Абсалютна камерная абстаноўка на гульні была, хоць паядынак больш статусны, чым чацвярговы».
