Экс-брамнік ЧБ Казлоў: «За 5 гадоў у лізе ўсё разбурана – як можна было загубіць «Шахцёр», што з БАТЭ?»
Расійскі галкіпер кыргызстанскага «Нафтчы» Аляксей Казлоў падвёў вынікі беларускага этапу кар'еры.
Нагадаем, што раней гулец выступаў за «Тарпеда-БелАЗ», «Гомель», «Мінск», «Нафтан» і «Славію», апошнюю пакінуў з-за адсутнасці прыбаўкі да зарплаты.
– Якую выснову за час, праведзены ў Беларусі, можаце зрабіць?
– Ведаеце, тут гледзячы з якога боку да гэтага пытання падысці. Калі казаць пра беларускі этап кар'еры з пункту гледжання станаўлення мяне як брамніка, спартоўца і асобы – Беларусь дала мне вельмі шмат. Заўсёды буду ўдзячны тым, хто браў удзел у маім росце і прафесійным развіцці.
Калі зірнуць на ўсё з іншага боку, прысутнічае доля расчаравання. Я прыехаў у Беларусь улетку 2019-га, тады вышэйшая ліга была вельмі канкурэнтнай і сур'ёзнай. І я ж стаў сведкам таго, як за пяць з паловай гадоў усё было страчана і знішчана.
Што адбылося з салігорскім «Шахцёрам», як можна было загубіць такі клуб? Што адбываецца зараз з БАТЭ? Ды і іншыя каманды недалёка сышлі, усё гэта відаць няўзброеным вокам. Ці вернецца ўсё да таго, як было? Ня ведаю. Але ўсё вышэйсказанае вельмі сумна канстатаваць…
– У Беларусі вы пажылі ў Мінску, Гомелі, Мазыры, Наваполацку і Жодзіне. Які горад застаўся ў памяці больш за ўсё?
– Кожны беларускі горад па-свойму цікавы і самабытны. У прынцыпе, усе гарады краіны мне спадабаліся ў роўнай ступені. Са знакам мінус адзначу, напэўна, толькі Наваполацк: хочацца пажадаць гэтаму гораду развіцця ў плане інфраструктуры, – сказаў Казлоў.
