«Мы пачалі дастаткова плаўна, з вялікай колькасцю перадач. Цягам усяго матча было цяжка прабіцца ў апошнія 18 метраў. Калі нам удавалася прарвацца за лінію, мы адразу станавіліся небяспечнымі, маючы два ці тры паўмоманты і добрыя моманты для гола, адзін з якіх мы рэалізавалі. І мы прапусцілі ад іх толькі адзін удар за 45 хвілін, таму гэта было вельмі, вельмі добра.

Мы хацелі паскорыць тэмп і крыху рызыкнуць у другім тайме, павялічыўшы колькасць гульцоў у лініі нападу. Я адчуваў, што мы недастаткова дысцыплінаваныя ў сваёй структуры. Мы занадта шмат спрабавалі гуляць індывідуальна і не на сваіх пазіцыях, што запавольвала нашу гульню і не дазваляла кантраляваць контратакі.

Албанія – складаны супернік з нетрадыцыйным стылем. У іх ёсць скорасць і фізічная падрыхтоўка. Мы бачылі іх у іх форме на Еўра, калі Іспанія, Харватыя і Італія змагаліся з імі на групавым этапе.

Мы ўбачылі такога суперніка ў гэтым матчы, і нам удалося атрымаць нашу першую перамогу, згуляўшы на нуль, што, спадзяюся, дасць нам упэўненасці, каб хутка палепшыць гульню, пачаць гуляць у сваім стылі і рухацца далей», – сказаў Тухель.

Аўтар: cымон pушынскі

Крыніца: афіцыйны сайт УЕФА