Томас Тухель: «Белінгем любіць размаўляць з арбітрам і лайнсменамі»
Галоўны трэнер зборнай Англіі Томас Тухель падзяліўся меркаваннем наконт гульні паўабаронцы нацыянальнай каманды Джуда Белінгема.
«Ён заўсёды гатовы аддавацца на поўную, але мы павінны дапамагчы яму, каб у структуры (каманды – заўв.) ён мог гуляць больш эканомна і мець такі ж уплыў, ці, магчыма, нават большы.
Нам трэба пераканацца, што лідары, а ён адзін з лідараў, і асноўныя гульцы рухаюцца ў адным напрамку, гуляюць у адным рытме і дапамагаюць адзін аднаму.
Ён любіць размаўляць з арбітрам і лайнсменамі. Ён вельмі эмацыйны, калі выходзіць на поле. Ён ненавідзіць прайграваць і робіць усё, што ад яго залежыць. Ён выказвае сябе.
Вы бачыце голад і жаданне перамагчы. Я думаю, што ён захавае гэты голад і крыху навучыцца накіроўваць эмоцыі. Гэта не праблема. Ён такі, які ёсць. Мы паспрабуем атрымаць ад яго максімум, таму што ён ключавы гулец», – сказаў Тухель.
