Генадзь Туміловіч: «18 гадоў – і адразу на выхад з Беларусі. Калі ёсць магчымасць раней, то валіце раней»
Экс-галкіпер зборнай Беларусі Генадзь Туміловіч падзяліўся меркаваннем пра выступленне айчынных футбалістаў за межамі краіны.
– Чаму мала беларускай моладзі ў Еўропе?
– У нас яны ёсць, але мала, таму што ва ўсім павінна быць сістэма, і каб нешта з'яўлялася пастаянна, а не перыядычна.
Калі нават у нас не трэніраваўся б ніхто ў краіне прафесійна, а дзеці ў двары гулялі б, колькасць маладых, перспектыўных і таленавітых была б у разы большая.
А так гэта правальная сістэма на працягу 20 гадоў дзіцяча-юнацкага футбола. Вось і ўвесь вынік. Не трэба тут нічому дзівіцца, гэта ўсё натуральна.
Але ўжо паціху нешта з'яўляецца. Самае галоўнае, каб з'язджалі максімальна хутка ў 18 гадоў і адразу на выхад з Беларусі. Адзінае, што магу параіць маладым таленавітым гульцам.
А калі ёсць магчымасць раней, то валіце раней. Талентаў шукаць не трэба, іх адразу відаць, – сказаў Туміловіч.
