Трэнер «Слоніма» Падрэцкі: «Дзіцячы трэнер атрымлівае 800-900 рублёў. Нашто гэта трэба? Не замацаваў вароты – ідзі ў турму»
29-гадовы галоўны трэнер «Слоніма» (Д2) Сяргей Падрэцкі распавёў аб дзіцячым футболе.
– Нейкія школы і трэнеры працуюць па нямецкай-расійскай праграме, якую паспелі пераняць у свой час. Але недзе пра яе існаванне зусім не ведаюць.
Ва ўмоўным «Нёмане» дзіцячы трэнер атрымлівае 400 долараў, а ў Зельве за такую ж працу спецыяліст атрымлівае 200 долараў. Ды і ўвогуле, на мой погляд, каб развіваць тут дзіцяча-юнацкі футбол, трэба зацікавіць чалавека.
Прывезці сюды трэнера, даць яму належныя ўмовы і магчымасць спакойна працаваць. Гэта ж несур'ёзна, калі дзіцячы трэнер па футболе атрымлівае 800-900 рублёў.
Нашто гэта трэба? Можна пайсці працаваць мантэрам лініі за 6000 рублёў. А тут і адказнасць за жыццё і здароўе дзяцей, за рэзультат. Трэба шукаць рабят у летні лагер, каб яны аздараўляліся, так бы мовіць.
І трэнер са сваімі трыма групамі па 15-20 чалавек дзьме ў лагер! А там дзіця, не дай Бог, зламала нагу – потым не адпішашся. Або як нядаўна ў Оршы быў выпадак: на дзіця зваліліся футбольныя вароты.
Атрымліваецца, вінаваты трэнер. Не замацаваў вароты – ідзі ў турму! А заробак невялікі, чалавеку яшчэ сям'ю карміць трэба.
Цяпер наогул такі свет, што асноўны фактар – грошы, а адукацыя – другарадны. На трэцім месцы будзе ўжо інфраструктура.
АБФФ імкнецца, робіць крокі ў плане трэнерскай адукацыі. Шмат праводзіцца на бясплатнай аснове ў рамках праектаў пад эгідай УЕФА. Але гэтага мала, бо наша праца прадугледжвае сталае развіццё. Як казаў кіраўнік беларускай федэрацыі футбола, усё трэба рабіць у сістэме.
Калі я раней лічыў, што шмат працую з дзецьмі – цяпер думаю, што там я практычна нічога не рабіў. Так, правёў шмат заняткаў і напісаў процьму канспектаў.
Але там не ціснуў вынік у той ступені, як гэта адбываецца ў дарослым футболе. Тады часцей здараліся перыяды, калі я мог падумаць: ці правільна я працую? Цяпер на рэфлексію часу і магчымасці ўжо няма, – сказаў Падрэцкі.
