«Ужыванне какаіну падчас майго знаходжання ў «Чэлсі» было найгоршым рашэннем, якое я мог прыняць у сваёй кар'еры. Я быў самотны і засмучаны, але ні дэпрэсія, ні штосьці іншае не апраўдвае маіх учынкаў.

Я павінен быў папрасіць дапамогу, але не зрабіў гэтага. Зрэшты, у жыцці вучышся на ўсім, і гэты ўрок зрабіў мяне лепшым чалавекам – значна больш сталым і самасвядомым. І я ганаруся гэтым.

Гэта застала мяне знянацку. Я не быў гатовы да такога жыцця. Я прыехаў у «Чэлсі» ў складаны перыяд свайго асабістага жыцця і патрапіў у вір апраўданняў і хлусні. Я быў занадта малады і занадта самотны.

Я шмат разоў разважаў над гэтым. Веру, што на працягу больш за аднаго сезону я быў сярод найлепшых гульцоў міру, так што мог бы лёгка выйграць «Залаты мяч». Але дрэнныя рашэнні перашкодзілі мне. Я стараюся не дакараць сябе за гэта», – сказаў Муту.

Аўтар: cымон pушынскі

Крыніца: The Telegraph