Па даных крыніцы, у акружэнні Анчалоці ёсць тыя, хто заклікае яго перагледзець сваю будучыню. Але сам трэнер хоча паглядзець, чым скончыцца бягучы сезон, а потым сесці за стол перамоў з клубам.

Незалежна ад таго, ці вырашыць кіраўніцтва пакінуць італьянца, ці адмовіцца ад яго паслуг, Анчалоці лічыць, што клубу для паляпшэння сітуацыі патрэбны больш сур'ёзныя змены, чым прызначэнне новага галоўнага трэнера.

Адзначаецца, што Анчалоці і прэзідэнт мадрыдцаў Фларэнціна Перэс захоўваюць добрыя адносіны. Калі трэнер пакіне клуб, то ён атрымае ўсе належныя ўшанаванні і нават можа застацца звязаным з клубам у той ці іншай форме, калі захоча гэтага.

Любое рашэнне пра далейшы лёс 65-гадовага італьянца павінна быць прынятае разам з кіраўніцтвам клуба.

Раней Sky Sports апублікаваў інсайд, што чакаецца, што Карла Анчалоці пакіне пасаду галоўнага трэнера «Рэала» пасля фінальнага матчу Кубка Іспаніі супраць «Барселоны».

Гульня «Барселона» – «Рэал» пройдзе 26 красавіка.

На гэтым тыдні мадрыдцы вылецелі з Лігі чэмпіёнаў па выніках двух матчаў 1/4 фіналу Лігі чэмпіёнаў супраць «Арсенала» (0:3, 1:2). Каляндар каманды тут.

Аўтар: Dzmitry Antonau

Крыніца: Relevo