Мікель Артэта: «Калі б вы задалі пытанне ў жніўні: «З улікам усяго, што здарыцца, на якім месцы ты бачыш «Арсенал»?», напэўна, «На другім» было б правільным адказам»

Галоўны трэнер «Арсенала» Мікель Артэта распавёў, чаму яго камандзе не ўдалося выйграць АПЛ.

«Безумоўна, былі рэчы, якія мы маглі б палепшыць. Калі б не было траўм, выдаленняў, спрэчных рашэнняў арбітраў – магчыма, мы б выйгралі ўсе матчы. Але ёсць тое, што маем. Пасля заканчэння сезона мы падвядзем вынікі таго, што спрацавала, а што не.

Але калі б вы задалі мне пытанне ў жніўні: «З улікам усяго, што здарыцца з камандай у гэтым сезоне, на якім месцы ты бачыш «Арсенал»?», то напэўна «На другім» быў бы правільным адказам», – сказаў Артэта.

За 6 тураў да фінішу «Арсенал» адстае ад «Ліверпуля», які ўзначальвае турнірную табліцу АПЛ, на 13 ачкоў.