Гурыновіч пасля 1:2 ад «Славіі»: «Ёсць моманты, калі «Слуцк» кідае гуляць так, як трэба»

Галоўны трэнер «Слуцка» Аляксандр Гурыновіч пракаментаваў вынік матчу 5-га тура ЧБ са «Славіяй» (1:2).

– Ну што тут сказаць, прайгралі 1:2. Пра тыя сітуацыі, якія ўзнікалі ў нашых варот і з прычыны якіх мы прапусцілі мячы, казалі, але адна справа казаць, іншая – нейтралізаваць.

Я не хачу папракаць сваіх футбалістаў, мы ўсе робім адну справу. З большага рады за іх самааддачу. Нам трэба дадаць у тым, каб не адыходзіць ад сваіх прынцыпаў.

Пастарацца быць больш інтэнсіўнымі, недзе даўжэй пацярпець, гэта значыць гуляць 90 хвілін так, каб гэта быў максімальны працэнт аддачы або блізкі да гэтага. Ёсць моманты, калі мы адмаўляемся і кідаем гуляць так, як трэба. Тое, што мы трэніруем.

У нас былі моманты і перадумовы, каб забіваць другі гол. А ў зоне падбору павінен быў дапрацоўваць гулец шырыні, а не Буньён і Курловіч. Мы схему можам мяняць на працягу матчу і зыходзячы з фазы гульні.

У атацы пачынаць можам з адной расстаноўкай, заканчваць – з іншай. Гэта залежыць ад таго, што мы жадаем рабіць з мячом і ад таго, што супернік робіць з мячом.

Чаму перайшлі на пяць абаронцаў? Калі б вы паглядзелі ўважліва, то ўбачылі б, што сёння ў нас адсутнічала шмат гульцоў стартавага складу.

І варыятыўнасці мы не мелі. Не змаглі дадаць рухі ў апорнай зоне. Не змаглі даць націску ў другім тайме на лінію абароны саперніка. Вось гэта і прымусіла нас адмовіцца ад нашай звычайнай гульні. Вось і ўсё, – сказаў Гурыновіч.