В. а. трэнера «Віцебска» Косак пра разгром «Маладзечна»: «Нашы чаканні супалі з рэальнасцю»
Выконваючы абавязкі галоўнага трэнера «Віцебска» Арцём Косак пракаментаваў разгром «Маладзечна» (4:0).
– Заўсёды прыемна сюды прыязджаць. Ведаю не па чутках і мясцовы стадыён, і заўзятараў. Прыемная футбольная атмасфера, такое ж і надвор'е, поле ў ідэальным стане – нічога не перашкаджае футбалістам праяўляць свае лепшыя якасці. Мяркую, сёння ў нас гэта атрымалася.
– На гульню быў сур'ёзны настрой? Ці можна было неяк перабудаваць гульню, згуляць першым нумарам з больш слабой камандай?
– Мы гулялі з добра арганізаванай камандай. Мы бачылі іх матчы і забітыя мячы, таму добра рыхтаваліся. Напружанне было на працягу ўсяго матчу, але нашы чаканні супалі з рэальнасцю.
– Вы правялі 15 матчаў за «Маладзечна» ў 2003 годзе. Наколькі прыемна прыязджаць сюды? Можа, успаміны нейкія засталіся.
– Так, вельмі прыемна. Відаць, як горад змяніўся ў лепшы бок. Хоць прайшло ўжо шмат гадоў, успаміны засталіся. На гэты стадыён заўсёды прыемна прыязджаць. Дзякуй усім, хто сочыць за ім. Поле сёння проста ідэальнае, – сказаў Косак.
