«Рэал» падоўжыць кантракт з Вінісіусам у канцы сезона (Ману Карэнья)

Вінгер «Рэала» Вінісіус Жуніяр падоўжыць кантракт з клубам у канцы сезона, паведамляе журналіст El Larguero Ману Карэнья.

24-гадовы бразілец хоча застацца ў мадрыдскім клубе і дзеля гэтага адмаўляецца ад прапановы з боку клубаў з Саудаўскай Аравіі.

Па дадзеных крыніцы, «Рэал» абвесціць пра падпісанні новага кантракта з гульцом у канцы сезона. Новае пагадненне прадоўжыць дзеянне дзейнага кантракта Вінісіуса Жуніяра з клубам на 2-3 гады.

Тэрмін дзеяння бягучага кантракту футбаліста са «сметанковымі» заканчваецца летам 2027 года.

Раней была інфармацыя, што клубы з Саудаўскай Аравіі цікавяцца бразільцам і гатовы яму прапанаваць кантракт на 5 гадоў з сумарным заробкам у 1 мільярд еўра.

Сцвярджаецца, што такі тэрмін прапанаванай дамовы не пераканаў бразільца ў трансферы ў Саудаўскую Аравію. У той жа час саудыты не зацікаўлены інвеставаць у футбаліста значныя сродкі дзеля некалькіх сезонаў.

Гэтае рознагалоссе прывяло да спынення перамоваў пра магчымы пераход футбаліста.

У бягучым сезоне Вінісіус забіў 20 мячоў і аддаў 11 асістаў у 44 матчах за клуб. Яго статыстыка тут.