Аляксандр Глеб: «МЮ» змяніўся пасля сыходу Фергюсана. Клуб бярэ зорак, узмацняе склад, але каманднага духу ў яго няма»
Экс-паўабаронца «Арсенала» і зборнай Беларусі Аляксандр Глеб падзяліўся сваім меркаваннем аб гульні «Манчэстэр Сіці» і «Манчэстэр Юнайтэд».
– Я б не сказаў, што ўзровень «Манчэстэр Сіці» ўпаў. Клуб столькі гадоў дамінаваў у АПЛ, моцна і выдатна глядзеўся. Яшчэ і перамагаў у Лізе чэмпіёнаў. Але паралельна з гэтым канкурэнты раслі, прыдумлялі нешта новае. Немагчыма заўсёды знаходзіцца наверсе. Зразумела, што ў «Сіці», як і ў любой іншай каманды, могуць быць спады.
«Манчэстэр Юнайтэд» – гэта зусім іншая справа. Ён змяніўся пасля сыходу Фергюсана. Клуб бярэ зорак, узмацняе склад, але каманднага духу ў яго няма. «МЮ» ў апошні час не выглядае як топавая каманда, – сказаў Глеб.
У бягучым сезоне «Ман Сіці» займае трэцяе месца ў турнірнай табліцы АПЛ, набраўшы 61 бал у 34 сустрэчах. У «Ман Юнайтэд» – 14-е месца ў табліцы, у актыве каманды 38 ачкоў у 33 гульнях.
