Па даных крыніцы, прадстаўнікі 24-гадовага бразільца кажуць, што мадрыдскі клуб не быў гатовы прыняць патрабаванні Вінісіуса, якія ён прапанаваў «сметанковым» некалькі месяцаў таму. «Рэал» яшчэ не прапанаваў перагледжаную дамову.

Атачэнне гульца спакойна ставіцца да сітуацыі, якая склалася.

У той жа час раней у гэтым сезоне ў размове з крыніцай выдання Вінісіус Жуніяр стварыў уражанне, што прапанова з Саудаўскай Аравіі была вельмі прывабнай для яго.

Сярод гульцоў і супрацоўнікаў «Рэала» існуе кансэнсус, што прапанову, якую атрымаў бразілец з Саудаўскай Аравіі, немагчыма адхіліць. Таму яны раней лічылі, што існуе вялікая імавернасць таго, што ён пакіне клуб.

Тэрмін дзеяння бягучага кантракта футбаліста са «сметанковымі» заканчваецца летам 2027 года.

Раней была інфармацыя, што клубы з Саудаўскай Аравіі цікавяцца бразільцам і гатовы яму прапанаваць кантракт на 5 гадоў з сумарным заробкам у 1 мільярд еўра.

Сцвярджаецца, што такі тэрмін прапанаванай дамовы не пераканаў бразільца ў трансферы ў Саудаўскую Аравію. У той жа час саўдзіты не зацікаўлены інвеставаць у футбаліста значныя сродкі дзеля некалькіх сезонаў.

Гэтае рознагалоссе прывяло да спынення перамоў па магчымым пераходзе футбаліста.

Раней журналіст El Larguero Ману Карэнья паведаміў, што «Рэал» падоўжыць кантракт з Вінісіусам у канцы сезона.

Пасля Матэа Марэта напісаў, што «Рэал» павысіць заробак бразільцу па новым кантракце.

У бягучым сезоне Вінісіус аформіў 20 галоў і аддаў 11 асістаў у 44 матчах за клуб. Яго статыстыка тут.

Аўтар: cымон pушынскі

Крыніца: The Athletic