«Рэал» можа байкатаваць фінал Кубка Іспаніі з «Барселонай» праз арбітраў (El Mundo)

«Рэал» разглядае магчымасць не выйсці на фінальны матч Кубка Іспаніі супраць «Барселоны», паведамляе El Mundo.

Па дадзеных крыніцы, мадрыдцы незадаволеныя прызначанымі суддзямі – галоўным арбітрам Рыкарда дэ Бургасам Бенгаечэа і арбітрам ВАР Пабла Гансалесам Фуэртэсам.

Клубны канал «Рэала» раней выпусціў відэа, у якім згадваліся ўсе памылкі галоўнага арбітра ў папярэдніх матчах з удзелам «сметанковых». Журналіст спытаў дэ Бургfса Бенгаечэа пра гэта на прэс-канферэнцыі перад гульнёй, і той расплакаўся. «Калі тваё дзіця прыходзіць дадому ў слязах, таму што ў школе яго бацькі назвалі рабаўніком, гэта вельмі цяжка», – сказаў ён.

Фуэртэс у сваю чаргу заявіў пра свой пратэст праз напады гульцоў на арбітраў.

«Некалькі тыдняў таму ў нас была сустрэча з прафесійнымі арбітрамі, і адзінства больш, чым калі-небудзь. Нам давядзецца пачаць прымаць больш сур'ёзныя меры, чым тыя, якія робяцца зараз. Мы не збіраемся працягваць гэта дапушчаць. Праз некалькі дзён вы, верагодна, пачуеце пра тое, што будзе. Не сумнявайцеся ў гэтым. Страйк? Хутка ўбачым», – сказаў ён.

«Рэал» патрабуе замены гэтых арбітраў на іншых, але ў Каралеўскай федэрацыі футбола Іспаніі лічаць гэта немагчымым. Клуб мяркуе, што яны непрыдатныя для працы на такім матчы і разглядаюць магчымасць байкоту гульні. Ужо вядома, што «Рэал» адмовіўся ад удзелу ва ўсіх афіцыйных мерапрыемствах перад фіналам – адкрытай трэніроўцы, прэс-канферэнцыі, традыцыйнай вячэры і фатасесіі. Раней клуб байкатаваў цырымонію ўручэння «Залатога мяча», даведаўшыся, што яго выйграе Родры, а не Вінісіюс Жуніёр.

Фінал Кубка Іспаніі паміж «Рэалам» і «Барселонай» запланаваны на 26 красавіка, пачатак гульні – 23.00.