Анчалоці ў найбліжэйшыя дні сустрэнецца з Перэсам, каб абмеркаваць свой сыход

Галоўны трэнер «Рэала» Карла Анчалоці сустрэнецца з прэзідэнтам клуба Фларэнціна Перэсам, каб абмеркаваць сваё звальненне з клуба, паведамляе ESPN.

Па дадзеных крыніцы, Анчалоці і Перэс сустрэнуцца ў найбліжэйшыя дні.

У суботу «Рэал» прайграў «Барселоне» – 3:2 пасля дадатковага часу ў фінале Кубка Іспаніі. Таксама каманда вылецела з Лігі чэмпіёнаў з агульным лікам 5:1 у чвэрцьфінале ад «Арсенала». Каманда адстае ад «Барселоны», лідара Ла Лігі, на чатыры ачкі, да канца сезона засталося пяць матчаў.

Нагадаем, што ў Анчалоці кантракт з «Рэалам» да 2026 года.

Паведамляецца, што трэнер пакіне клуб пасля апошняга матча сезона Ла Лігі супраць «Рэала Сасьедада», які адбудзецца 25 траўня.

Раней стала вядома, што Анчалоці можа ўзначаліць зборную Бразіліі і стаць самым высокааплатным трэнерам нацыянальных каманд.