Дзеючае пагадненне бельгійца, якому 11 мая споўніцца 33 гады, разлічана да лета 2026 года. Гэта значыць, супрацоўніцтва хочуць пралангіраваць да лета 2028-га.

Новая дамова яшчэ не падпісаная, але бакі абмяркоўваюць гэта ўжо некаторы час. Усё ідзе да таго, што кантракт будзе працягнуты. Футбаліст імкнецца заставацца ў «Рэале» як мінімум да 35 гадоў.

Пагадненне канчаткова будзе заключана ў найбліжэйшыя тыдні, што стане першым крокам да пабудовы «Рэала» на наступныя гады. Пакуль няма дакладнай даты аб'явы. Чакаецца, што гэта адбудзецца напрыканцы сезона Ла Лігі.

Гэтым крокам «Рэал» парушыць сваё няпісанае правіла – гульцы старэйшыя за 30 гадоў атрымліваюць штогадовае аднаўленне кантрактаў.

Куртуа лічыцца ключавым гульцом, на якім павінна будавацца каманда «Рэала» на найбліжэйшыя гады. Яго роля ў распранальні працягвае расці.

Як для прэзідэнта клуба Фларэнціна Перэса, так і для трэнерскага штаба ён недатыкальны. Хоць ён і не на 100% гатовы, яму аддавалі прыярытэт над іншымі брамнікамі ў вырашальныя моманты сезону. Для галоўнага трэнера каманды Карла Анчалоці няма нікога лепшага за яго.

Цібо далучыўся да мадрыдскага клуба ў 2018 годзе, у 2021-м падоўжыў кантракт на 5 гадоў. У гэтым сезоне правёў 43 матчы за каманду (14 сухіх), у якіх прапусціў 48 галоў. Падрабязная статыстыка тут.

Другі галкіпер «Рэала» Андрэй Лунін у верасні падоўжыў кантракт да 2030 года. Адзначаецца, што пасля падаўжэння пагаднення з Куртуа будзе нядзіўна, калі ўкраінец адновіць свае спробы знайсці іншы клуб, дзе ён мог бы быць безумоўным гульцом стартавага складу.

Сцвярджаецца, што Андрэй не забыўся, што прапусціў апошні фінал Лігі чэмпіёнаў супраць «Барусіі» Дортмунд пасля таго, як быў героем у папярэдніх раўндах, а таксама не забыўся, што зноў прайграў канкурэнтам у розыгрышы Кубка Іспаніі 2024/25.

Лунін у гэтым сезоне правёў 12 матчаў за «Рэал» (4 сухія), у якіх прапусціў 19 галоў. Падрабязная статыстыка тут.

Адзначаецца, што такі варыянт зусім не быў бы неразумным, калі б паступіла цікавая прапанова, бо «Рэал» аддае перавагу пазбягаць сітуацыі працяглай напружанасці і быў бы рады вяртанню такога брамніка, як Кепа Арысабалага (на правах арэнды з «Чэлсі» гуляе за «Борнмут» – заўв. «Рэал». Аднак Фларэнціна Перэс не хоча траціць занадта шмат грошай на ідэальна ўкамплектаваную пазіцыю.

Аўтар: cымон pушынскі

Крыніца: Relevo