27-гадовы англічанін супрацоўнічае з футбольным агентам Піні Захаві, каб садзейнічаць трансферу ў Каталонію. Перамовы па асабістых умовах ужо пачаліся, а сам Маркус выказаў жаданне перайсці ў «Барселону».

«Манчэстэр Юнайтэд» гатовы адпусціць Рэшфарда за 35 мільёнаў еўра. Іспанская каманда не гатовая выплаціць такую суму, але разам з тым яна працуе над сыходам нападаючых Роберта Левандоўскага і Рафіньі Дыяса, што магло б аблегчыць фінансавы стан клуба.

Бакі ўпэўнены ў тым, што пагадненне паміж «Барселонай» і Рэшфардам будзе даведзена да паспяховага завяршэння. Нагадаем, нядаўна англічанін атрымаў траўму задняй паверхні сцягна і, хутчэй за ўсё, прапусціць астатнія матчы сезона.

Другую палову гэтага сезона Маркус выступае на правах арэнды за «Астан Вілу». Агулам ён забіў 4 мячы і аддаў 6 асістаў за каманду. Падрабязная статыстыка і гісторыя траўм гульца тут.

Аўтар: cымон pушынскі

Крыніца: Sky Sports